Vazhdojnë të zvarriten hetimet për vdekjen e Almirit të vogël
Hetimet rreth vdekjes së Almirit të vogël vazhdojnë të zvarriten.

“Është dhënë urdhër për kryerjen e hetimit neuropsikiatrik ndaj të dyshuarit i cili ndodhet në paraburgim.
Ende pritet për hetimi.

Hetimet tjera rreth analizave dhe mbledhjes së dëshmive materiale kanë arritur dhe mbetet ashtu siç e thash vetëm hetimi neuropsikiatrik i cili duhet të realizohet nga mjekët që procedojnë të njëjtin”, u shpreh avokati Asmir Alispahiç.

Alsa-M kontaktoi me Prokurorinë Themelore në Kumanovë, nga ku konfirmuan kërkesën e mbrojtjes, por duke shtuar se hetimet neuropsikiatrike ende nuk kanë filluar.

Sipas tyre akoma nuk është caktuar mjeku i cili do të kryej hetimet.

Pala mbrojtëse kërkoi hetimin neuropsikiatrik, pasi që i dyshuari Boban Iliç ishte mbrojtur me atë se në momentin kur ka kryer aktin nuk ka qenë në gjendje të qetë psiko-fizike.

Avokati i Almir Aliut hedh poshtë pretendimet e të akuzuarit Boban iliç.

“Bazuar në të gjitha dëshmitë materiale, e posaçërisht në video incizimin që doli në publik, vërehet edhe mënyra edhe motivi i kryerjes së aktit jo njerëzor.

Aty nuk ka pasur motiv për të shtypë për vdekje vetëm të ndjerin Almir Aliu por edhe prindërit e tij”, shtoi avokati Asmir Alispahiç.
Almir Aliu nga Kumanova, humbi jetën si pasojë e përplasjes me një automjet mbrëmjen e 25 qershorit.

Ende nuk dihen motivet zyrtare, por referuar deklaratave të familjarëve dhe avokatit mbrojtës, aktit i ka paraprirë një zënkë mes babait të Almirit dhe Boban Iliçit bashkë më vëllain e tij Bojan Iliç. /albeu.com/
Shtuar më 18/11/2016, ora 18:56

Shkruani komentin tuaj!
Të fundit nga kjo kategori