Ulet numri i vrasjeve në Maqedoni
Në Maqedoni ka shënuar rënie numri i vrasjeve gjatë vitit 2011, për dallim nga viti 2010, bën të ditur një raport i MPB-së.
Sipas të dhënave të publikuara, gjatë vitit të kaluar janë regjistruar vetëm 29 vrasje, për dallim nga viti 2010 kur ishin regjistruar mbi 40 vrasje.

Sipas MPB-së, ky numër i vogël i vrasjeve nuk është regjistruar që nga viti 1989, kur gjithashtu ka pasur rreth 27 vrasje. Nga ai vit deri në vitin 2003, numri i vrasjeve në Maqedoni ka qenë prej 30 deri në 75, informon agjencia e lajmeve Ina.

“Edhe këtë vit vrasjet kryesisht janë karakterizuar me probleme familjare, ndërnjerëzore, borxhe, kërcënime, motive xhelozie, etj”, thuhet në raportin e MPB, duke zbardhur motivet e shumta që kanë çuar në kryerjen e vrasjeve.

Shumica e vrasjeve gjatë vitit 2011 janë kryer nga një individë, me përjashtim të pesë vrasjeve që kanë kryer nga dy persona.
Shtuar më 19/02/2012, ora 13:24

Shkruani komentin tuaj!
Të fundit nga kjo kategori