Ulet numri i të sëmurëve me tuberkuloz
Dhjetë vitet e fundit ka rënie të vazhdueshme të numrit të të sëmurëve nga tuberkulozi. Nëse në vitin 2002 kanë qenë të evidentuar 730 raste, ky numër gati është përgjysmuar në vitin 2012 dhe është 355 raste.

Sipas drejtoreshës së Institutit për Sëmundjet e Mushkërive, Biljana Ilievska - Popovska, rënie shënohet edhe në numrin e fëmijëve të prekur, dhe vitin e kaluar janë evidentuar vetëm 29 raste të tilla.

Në konferencën e sotme për shtyp, me rastin e 24 Marsit - Ditës Botërore të Tuberkulozit, është bërë thirrje që të rritet vetëdija për vaksinimin në moshën e re, si masë mbrojtëse nga tuberkulozi, shkruan Zhurnal.

“Në Maqedoni zbatohen standardet më të reja të diagnostikimit, shërimit dhe parandalimit të tuberkulozit sipas rekomandimeve të Organizatës Botërore Shëndetësore dhe institucioneve të tjera ndërkombëtare, të cilat janë inkorporuar në Programin Kombëtar për Kontroll të Tuberkulozit. Vitin e kaluar është shënuar rënie e numrit të personave që sëmuren nga tuberkulozi dhe ai është nën 10 për qind krahasuar me vitet paraprake”, ka deklaruar drejtoresha. /albeu.com/
Shtuar më 22/03/2013, ora 17:48
Shkruani komentin tuaj!
Të fundit nga kjo kategori