Tv Era ngrin bashkëpunimin me T-Mobile
Televizioni Era njofton shikuesit se duke filluar prej sot, e hënë 30 dhjetor nuk do të mund t'a përcjellin sinjalin e saj në platformën e rrjetit T-Home apo Max-tv të Shoqatës aksionare T-Mobile për shkak të raporteve të parregulluara afariste.

“Sa për informim më objektiv të opinionit, ne si Televizion Era disa herë gjatë këtij viti e kemi informuar subjektin e bashkëpunimit për mangësitë në bashkëpunimin tonë të ndërsjellë, por kemi hasur në veshë të shurdhër nga ana e tyre.

Si subjekt i pavarur radiodifuziv Tv Era është detyruar që të marrë vendim për ngrirje të bashkëpunimit me shoqatën aksionare T-Mobile deri në gjetjen e modaliteteve për një bashkëpunim më korrekt në interes të ndërsjellë.

Me këtë rast si televizion, ne shikuesve që deri tani e kanë ndjekur sinjalin tonë televiziv përmes platformës Max TVu i kërkojmë ndjesë, sepse për shkak të raporteve të krijuara ata nuk do të mund ta ndjekin programin tonë festiv të Vitit të Ri”, thuhet në reagimin e Televizionit Era. /albeu.com/
Shtuar më 30/12/2013, ora 18:52
Shkruani komentin tuaj!
Të fundit nga kjo kategori