Turqit dhe romët kundër Gruevskit, pro zyrtarimit të Shqipes (VIDEO)
Pëlqej
Abonohu për lajmet me e-mail:
E-maili juaj:      Tani, kontrolloni e-mailin tuaj dhe konfirmoni abonimin!
Kreu i VMRO-së Nikolla Gruevski, ka thënë se LSDM-ja dhe BDI-ja po përpiqen që të bëjnë një defaktorizim të popullit të maqedonasve, të popullit të Maqedonisë, por edhe të komuniteteve tjera etnike në Maqedoni, si të turqve, të serbëve, të vllehëve, të boshnjakëve, të romëve dhe të tjerëve.

Por, tre javë pas deklaratës së Gruevskit, dy nga njëzet partnerët e koalicionit parazgjedhor, po flasin ndryshe nga ai, madje njëri prej tyre po flet në shqip, si formë proteste se po mashtrojnë nën emrin e tij.

Bejxhan Iljaz, kryetari i Partisë Demokratike Turke të Maqedonisë, është i hidhëruar pse po spekulohet se kinse partia e tij është kundër gjuhës shqipe.

"Ne nuk jemi kundër askujt. E aq më pak kundër shqiptarëve. Kjo për shkak se ne mendojmë se në Maqedoni, pra në shtetin tonë të përbashkët, të gjithë kanë të drejtë që t'i kërkojnë të drejtat personale dhe kombëtare. Assesi nuk e mendojmë atë që e kanë shkruar portalet dhe nga këtu e kundërshtoj atë", u shpreh Iljaz.

Po ashtu, nga Partia Rome gjithashtu janë shprehur se nuk kanë asgjë kundër përdorimit të gjuhës shqipe.

"Qëndrimi i Partisë Rome është sigurimi i parimit kryesor kushtetues për barazinë e subjekteve para Kushtetutës dhe Ligjit. Nuk jemi kundër të drejtave të asnjë nga komunitet tjera etnike, e as të shqiptareve.

Përkundrazi, kemi respekt për të gjithë komunitetet. Në rastin konkret mendojmë se Romëve si komunitet më i madh duhet të t'u realizohen të drejtat e tyre dhe tu jepen të drejtat që ligji ua lejon.

Angazhohemi për të drejtat e Romëve dhe nuk jemi kundër të drejtave të asnjë komuniteti e aq më pak të shqiptarëve të cilët i respektoj dhe është komuniteti me të cilët kemi lidhje të afërta miqësore", tha Shaban Saliu nga Forcat Demokratike Rome.

Profesori universitar Ljubomir Fërçkovski thotë se të gjithë ata që ironizojnë dhe kundërshtojnë të drejtat kushtetuese të shqiptarëve apo të kujtdo tjetër, janë të 'ndërsyer' nga partia e Nikolla Gruevskit.

"Këtu gjërat janë të qarta, kërkesat mund të komentohen si propagandë politike, dhe kjo është e qartë në këtë rast. VMRO-DPMNE nuk dëshiron të pranojë rezultatin zgjedhor", u shpreh Fërçkovski.

Shtuar më 20/03/2017, ora 10:44
Shkruani komentin tuaj!
Të fundit nga kjo kategori