Todorov: Ziadin Sela përbën rrezikshmëri përderisa nuk njeh identitetin maqedonas
Deputeti i VMRO-DPMNE-së, Nikolla Todorov i ftuar në emisionin Top Tema ndër të tjera hodhi shumë akuza për Liderin e LR PDSH-së, Ziadin Sela.

Sipas tij, është shumë e rrezikshme që Ziadin Sela të jetë pjesë e qeverisë përderisa ai nuk e njeh identitetin maqedonas.

“Një ndër faktorët kyç për formimin e Qeverisë së re është Ziadin Sela.Shtrohet pyetja si është mundur që Zoran Zaev të ulet në qeveri bashkë me Ziadin Selën i cili nuk e njeh atë si maqedonas, i cili para disa ditëve tha se nuk ekziston identiteti maqedonas, se maqedonasit janë komb artificial, dhe shqiptarët kanë ndihmuar në këtë periudhë për të krijuar kombi maqedonas. Cila do të jetë ndjenja e Zaevit që të formojë qeveri me një njeri që nuk e njeh identitetin e tij? Është shumë e rrezikshme që Ziadin Sela të jetë pjesë e qeverisë përderisa ai nuk e njeh identitetin maqedonas” u shpreh Nikolla Todorov, informon tetova sot.

VMRO DPMNE vazhdon të protestojë në shumë qytete të Maqedonisë kundër dygjuhësisë që buron nga Platforma Shqiptare e nënshkruar nga liderët politik shqiptarë. /albeu.com/


Shtuar më 08/03/2017, ora 20:58
Shkruani komentin tuaj!
Të fundit nga kjo kategori