Timonie: Platforma shqiptare, pozitive për Maqedoninë
Ambasadori francez në Maqedoni, Kristian Timonie, ka thënë se Maqedonia është në prag të daljes nga kriza politike dhe se po pret formimin e një qeverie të qëndrueshme që do të sigurojë mirëqenien e të gjitha bashkësive etnike në vend.

Ambasadori francez e vlerësoi pozitivisht platformën e përbashkët të partive shqiptare, pasi sipas tij, nga këndvështrimi i Francës, në plan të parë është qytetaria si vlerë universale dhe patriotizëm i përbashkët në interes të përgjithshëm dhe për ne kjo është shumë pozitive.

Timonie në një intervistë për "Radion Evropa e Lirë" tha se beson në mençurinë e politikanëve dhe pret zbatimin e reformave urgjente, mes të cilave edhe vazhdimin e mandatit të Prokurorisë Speciale, pasi kjo sipas tij, nuk është fitore e një partie, por fitore e vlerave evropiane. /albeu.com/
Shtuar më 26/02/2017, ora 14:40

Shkruani komentin tuaj!
Të fundit nga kjo kategori