Kryetari i PDSH-së, Menduh Thaçi iu ka uruar të gjithë besimtarëve myslimanë festën e Kurban Bajramit.

Ai tha se kjo ditë na fton të reflektojmë për më shumë paqe, solidaritet dhe harmoni me njëri-tjetrin.

“Të udhëhequr nga fryma e kësaj feste të bekuar të vazhdojmë të kultivojmë vlerat tona fetare dhe kombëtare, duke punuar për të ardhmen e familjeve tona dhe kombit tonë. Në emrin tim personal dhe në emër të Partisë Demokratike Shqiptare, të gjithë besimtarët myslimanë iu uroj festën e Kurban Bajramit duke ju dëshiruar shëndet, mirëqenie dhe mbarësi”, thuhet në urimin e Thaçit./albeu.com/