Tërhiqet Maqedonia, zgjidhet kriza me Kosovën
Qeveria e Maqedonisë ka bërë hapin e parë dhe ka shfuqizuar masën për importin e kushtëzuar të miellit. Lajmin për këtë vendim e ka bërë zëdhënësi i Qeverisë, Muhamet Hoxha përmes një postimi në Facebook, njofton Portali Albeu.com.

Ndërkohë, këtë lajm e ka konfirmuar edhe zëvendëskryeministri i Kosovës Hajredin Kuçi, i cili ka njoftuar se është arritur marrëveshja me Maqedoninë dhe se gjendja do të rikthehet në pikën zero.

Edhe ministrja Mimoza Kusari-Lila ka konfirmuar lajmin.

“Sapo u informuam se ndalesa e miellit e vendosur nga Qeveria e Maqedonisë do te hiqet nesër në mesnatë në mes të 14 dhe 15 shtatorit”, ka shkruar ministrja Kusari-Lila.

Qeveria e Republikës së Maqedonisë në mbledhjen e sotme ka hequr masën për importin e kushtëzuar të miellit. Vendimi pritet të hyjë në fuqi nesër (të shtunën) në mesnatë. /albeu.com/
Shtuar më 13/09/2013, ora 22:02
Shkruani komentin tuaj!
Të fundit nga kjo kategori