Lirohet Johan Tarçullovski
Update - Johan Tarçullovski sot doli nga burgu në qytetin Dic të Gjermanisë ku e vuajti dënimin me burg. Pas daljes nga burgu, Tarçullovski u prit nga bashkëshortja e tij Sonja dhe disa emigrantë maqedonas.

Sipas avokatit të tij Antonio Apostolski, pritet që nesër Tarçullovski të arrijë në Republikën e Maqedonisë.

Johan Tarçullovski kaloi tetë vjet në burg, me çka vuajti dy të tretat nga dënimi prej 12 viteve që ia shqiptoi Tribunali i Hagës për pjesëmarrjen në masakrën e Lubotenit, në të cilën u vranë 7 shqiptarë. /albeu.com/


11:30 - Profesoresha univerzitare Biljana Vankovska ka reaguar nëpërmjet rrejtit social Facebook, në lidhje me kthimin e Johan Tarçulovskit nga Haga dhe informacionit se aeroplan shtetëror ka shkuar ta presë atë.

"E di që me këtë koment do të hidhëroj shumë persona, por dua ta them se ky shtet (ose pushtet) nuk dëshiron të kuptojë se Tarçullovski ka qëndruar në burg për krime të luftës, pasi ishte fajtor. Mirë që ia zvogëluan dënimin, por kjo me aeroplanin e qeverisë në të vërtetë është e papranueshme", ka shkruar mes tjerash Vankovska, citon Zhurnal.

Ndryshe nga profesoresha maqedonase asnjë prej përfaqësuesve dhe intelektualëve shqiptarë nuk ka reaguar për mënyrën se si qveria e trajton Tarçullovskin, i cili në vitin 2001 kishte vrarë 10 civilië të pafajshëm shqiptarë të fshatit Luboten të Shkupit. /albeu.com/
Shtuar më 10/04/2013, ora 17:27

Shkruani komentin tuaj!
Të fundit nga kjo kategori