Taravari mori kërcënime me jetë, reagon BDI
Ndaj deklarimeve të kreut të Komunës së Gostivarit, Arben Taravari për kërcënime për jetë të tij dhe familjes së tij, ka reaguar edhe dega e BDI-së në Gostivar, e cila këtë gjest të Taravarit e quan si tragji-komedi.

"Loja pasens politik e Arben Taravarit sot eskaloi në tragji – komedi. Duke mos pasur se çka t’i jep politikës dhe pa pasur vizion për të udhëhequr me komunën e Gostivarit, Taravari ka zgjedhur “viktimizimin” për të mbijetuar politikisht dhe për të tërhequr vëmendjen e opinionit publik.", thuhet të reagimin e BDI-Gostivar, duke shtuar se të quash këcënim për jetë një telefonatë ku të kërkohet përgjigje se pse ke reduktuar një pagë është thjesht një manipulin me publikun.

"Të quash kërcënim bisedën telefonike mes Shefit të kabinetit të Arben Taravarit dhe punonjësit të Njësitit të Zjarrfikësve, i cili ka kërkuar përgjigje se përse i është reduktuar rroga për 50 %, nuk është gjë tjetër përpos pretekst për të manipuluar me opinionin publik. Dega e Bashkimit Demokratik për Integrim në Gostivar, është kundër çdo lloj kërcënimi eventaul ndaj personaliteteve publike.

Sigurojmë opinionin publik që BDI do të del në mbrojtje të çdo vlere, lirisë, barazis dhe demokracisë, nëse do të kërcënoheshin nga dikush. BDI, po ashtu do të denoncojë edhe padrejtësitë që ndonjë Kryetar komune mund tua bëjnë punonjësve të tij", thuhet në komunikatën e BDI, Dega Gostivar.


Shtuar më 11/06/2018, ora 10:29

Shkruani komentin tuaj!
Të fundit nga kjo kategori