Surprizojnë turqit që votuan në Shqipëri, sa vota morën Erdogan dhe kundërshtari i tij në Tiranë
Pëlqej
Erdogan ka shpallur tashmë fitoren si president i Turqisë edhe pse siç tha ai partia e tij nuk kishte kapur numrin e nevojshëm të deputetëve për të qeverisur e vetme duke detyruar kështu bërjen e koalicionit.

Sipas të dhënave paraprake, Erdogan mori rreth 52 për qind të votave si president, ndërsa partia e tij rreth 42 për qind.

Sëfundmi janë shpallur rezultatet për turqit që kanë votuar në vende të ndryshme të botës.

Sa i përket Shqipërisë, turqit këtu që kanë hedhur votën tek ambasada kanë zgjedhur më së shumti kandidatin e opozitës, Muharrem Ince, i cili sipas të dhënave ka marrë 49.08 për qind ose 186 nga 379 vota të hedhura, kurse për Erdoganin kanë votuar 144 persona ose rreth 38 për qind, shkruan Albeu.com.

Ndërkohë duket se në Maqedoni Erdogani ka fituar shumicëm mbi kandidatin e opozitës duke marrë 58 për qind të votave kundrejt 29 për qind të Inces. /albeu.com/
Shtuar më 25/06/2018, ora 12:49
Shkruani komentin tuaj!
Të fundit nga kjo kategori