Dhuna ndaj nënës së dëshmorit të UÇK, Haradinaj: I tronditur, rast i dhimbshëm dhe neveritës

Kryetari i AAK-së në Kosovë, Ramush Haradinja, ka reaguar i indinjuar në lidhje me rastin e dhunimit të nënës së Dëshmorit Taulant Nura, në Qendrën për të Moshuar, në Pejë.

Haradinaj shkruan se është i tronditur dhe uron që të i tërë zinxhiri menaxhues dhe autorët e këtij krimi, të dalin para drejtësisë.

Reagimi:

I tronditur nga rasti në Pejë, ku nëna e Dëshmorit Taulant Nura, dhunohet fizikisht nga ato që duhet të kujdesen për të.

E papranueshme dhuna e shfaqur në video. I tërë zinxhiri menaxhues dhe autorët e këtij krimi, të dalin para drejtësisë.

Rastet e tilla janë aq sa të dhimbshme po aq të neveritshme dhe nuk kanë vend në Kosovën tonë!

Nanat, të moshuarit dhe çdo kategori e ndjeshme e shoqërisë tonë, meritojnë trajtim dhe dinjitet.

Uroj që këto raste të mos përsëriten më kurrë!