Komisioni për verifikimin e fakteve më së voni deri në ora 17:00 në faqen e saj në internet do të publikojë emrat e 11 bashkëpunëtorëve të shërbimeve sekrete.

"Në bazë të materialit që kemi shfletuar del se nga 11 emrat prej tyre 4 janë shqiptarë", thonë burime brenda Komisionit, shkruan Zhurnal.

Një pjesë e anëtarëve të Komisionit kanë qenë kundër shqyrtimit të serishëm të lëndëve, duke e pasur parasysh se Gjykata Kushtetuese pezulloi disa rregulla nga ligji i vjetër për lustrim, ndërsa Gjykata Administrative i shfuqizoi vendimet e bashkëpunëtorëve.

Ata konsiderojnë se me shpalljen publike shkelen Kushtetuta dhe e drejta e privatësisë e personit të shpallur për bashkëpunëtor. Por, kryetari i Komisionit për lustrim Tome Axhiev tha se është normale që të mos ketë pajtime në mes anëtarëve të Komisionit, por kjo nuk do të ndikojë në kredibilitetin e vendimeve. /albeu.com/