Piter Sorensen, ambasadori i Bashkimit europian mund të lërë Maqedoninë për të shkuar në Bosnje-Hercegovinë si përfaqësues special ii BE-së atje. Lajmi bëhet i ditur nga gazetat boshnjake ku e përditshmja “Dnevni Avaz” shkruan se diplomati danez që para disa muajve filloi misionin e ambasadorit në Maqedoni, mund të emërohet në misionin e ri në Bosnjë, ndërsa ndër emrat e tjerë përmenden edhe diplomati gjerman Joakim Riker dhe ambasadori britanik në Egjipt, Dominik Askuit.

Shërbimet diplomatike pranë BE nuk dinë se cili diplomat do të nisë misionin në Sarajevë.

Përfaqësuesja e lartë e BE-së, Ketrin Eshton pritet të shpallë kandidatin e zgjedhur, por deri tani Brukseli nuk ka konfirmuar asgjë. /albeu.com/