92 azilkërkues mes të cilëve 80 të moshuar dhe 12 fëmijë janë vendosur në Qendrën e pranimit të azilkërkuesve në Shkup. Nuk është Maqedonia destinacioni i tyre i fundit por kërkojnë qëndrim në Shkup me qëllim mbrojtjeje derisa të arrijnë në vendin e kërkuar apo edhe deri në rikthimin në vendlëindjet e tyre.

"Pas ngjarjeve në Afrikë gjatë periudhës së fundit gjatë disa muajve të fundit, mund të thuhet brenda tërë vitit, është duke u intensifikuar prania e azilkërkuesve. Por definitivisht një është e qartë se Republika e Maqedonisë nuk është destinacioni i tyre i fundit. Republika e Maqedonisë është vend tranzitor. Kryesisht, vendet e Bashkimit Evropian janë caku përfundimtar i këtyre personave", u shpreh Spiro Ristovski, ministër i Punës dhe Politikës Sociale.

Maqedonia ka detyrim ligjor që brënda një afati 60 ditor nga dhënia e kërkesës për azil ta rregullojë qëndrimin e tyre në shtet. Por procedura për disa ka zgjatur edhe më shumë sepse vijnë nga vende ku gjuha e të cilëve nuk flitet në rajon.

"Republika e Maqedonisë deri në momentin e pastrimit të lëndës përkatëse, derisa nuk zbardhet statusi i personit përkatës ne kemi për obligim dhe sigurojmë kujdes për këta persona derisa nuk u rregullohet statusi i përhershëm në formën në të cilën ata kërkojnë", deklaroi Ristovski. /albeu.com/