Sipas hulumtimeve, 1 në 4 të rritur kanë probleme me gjumin dhe pagjumësia është e zakonshme.
Përveç faktorëve të tjerë, ekziston mundësia që pagjumësia të shkaktohet edhe nga dieta. Shihni tre ushqime që mund t’ju ndihmojnë të përmirësoni cilësinë dhe kohëzgjatjen e gjumit.
Bananet
Sipas Fondacionit Kombëtar të Gjumit në SHBA (NSF), kaliumi në banane vepron si një relaksues i muskujve dhe përgatit trupin për gjumë. Gjithashtu triptofani që përmbajnë konvertohet në melatonin.
Arra pa kripë
Arrat përmbajnë magnez, një mineral që kontribuon në transmetimin e impulseve nervore dhe përdoret për të luftuar ankthin dhe stresin.
Qumështi dhe produktet e qumështit
Këto janë ushqime të pasura me triptofan që favorizon prodhimin e serotoninës, e cila ka një efekt anksiolitik në trupin tonë. Siç tregohet nga hulumtime të ndryshme, edhe një sasi e vogël mund të sjellë efektin e dëshiruar. Kështu, një gotë qumësht, për shembull, mund të kontribuojë ndjeshëm në një gjumë të qetë.
