Shpëtohen gjashtë skiatorët pas shtatë orë kërkimesh në Kodrën e Diellit
Pas gati 7 orësh në kërkim, MPB-ja ka përfunduar me sukses aksionin e shpëtimit në të cilën u gjetën gjashtë skiatorë që dje pasdite humbën në Kodrën e Diellit.

Gjashtë skiatorët, dy nga të cilët kosovarë dhe katër shtetas të Maqedonisë, rreth orës 14 e 30 minuta me teleferik janë ngjitur në “Ceripashinë” dhe pastaj janë lëshuar përmes shtegut Jelak.

Por, për shkak të mjegullës së dendur kanë humbur në një pjesë të panjohur të pyllit, dy kilometra në veri të vendit “Stanet e Shipkovicës” mbi fshatin Veshallë.

"Sonte rreth orës 21 janë gjetur dhe janë shpëtuar gjashtë skiatorë që humbën sot në Kodrën e Diellit. Rreth orës 17. 30 në departamentin e policisë së Kodrës së Diellit ka ardhur 30-vjeçari F.R. nga fshati Lisec i Tetovës së bashku me shtetasin e Kosovës M.Z. dhe kanë denoncuar se dy nga Kosova dhe katër nga Maqedonia rreth orës 14 e 30 minuta me teleferik janë ngjitur në “Ceripashinë” dhe pastaj kanë zbritur në rrugën Jellak. Por nga mjegulla e dendur ata kanë humbur në një zonë të panjohur pyjore, diku dy kilometra në veri mbi fshatin Veshallë", theksojnë nga MPB-ja. /albeu.com/







Shtuar më 12/02/2018, ora 08:59
Shkruani komentin tuaj!
Të fundit nga kjo kategori