Kryetari i komunës së Strugës dhe njëkohësisht edhe iniciues i nismës për reformim në PDSH, Ziadin Sela ka mbajtur një fjalim në komunën e Zhelinës.

Sela theksoi në këtë takim se Partia Demokratike Shqiptare nuk është pronë individësh, por është partia e popullit dhe se në krye të saj ka një person manipulator, siç është Menduh Thaçi.

“PDSH-ja është parti kombëtare, opsion kombëtar e keqja ka qenë se në krye të këtij subjekti ka qenë një manipulator, një njeri i cili ka manipuluar vullnetin e shqiptarëve andaj është e radhës që t’ju kërkojmë falje gjithë shqiptarëve, sidomos që kam ndikuar qe një manipulator dhe një mashtrues të ndihmojë të mbijetojë në skenën politike. Ju kërkoj ndjesë se kam mbajt gjallë një njeri të Mihajllkovit”, tha Ziadin Sela, transmeton TetovaSot.

Sela theksoi më tej se Menduh Thaçi është fajtor që shumë fëmijë nuk i kanë baballarët e tyre mes tyre, por në burgje dhe shtoi se PDSH-ja do jetë parti e shpresës kur të ikë Thaçi./albeu.com/