Vëllai ka vrarë të vëllanë me thikë mëngjesin e sotëm në Shkup. 61-vjeçari Branko Stojçevski ka gjetur vdekjen pas një grindjeje verbale me të vëllanë, Sllobodan Stojçevski, i cili e ka goditur tri herë me thikë në kraharor.

Ngjarja ka ndodhur rreth orës 9 e 20 minuta, në bulevardin “Ivo Lola Ribar – 2”, në afërsi të autolarjes “Monca”, njofton Zhurnal.

Të punësuarit në këtë autolarje kanë arritur të mposhtnin Sllobodanin dhe t’ia merrnin thikën nga dora, kurse i lënduari Branko është dërguar për ndihmë në Qendrën Urgjente ku për fat të keq nuk ka arritur të shpëtojë. /albeu.com/