Shkup, Ahmeti takon ambasadorin amerikan
Kryetari i Bashkimit Demokratik për Integrim, Ali Ahmeti, ka nisur takimet me komunitetin ndërkombëtar për këtë vit të ri me vizitën e sotme në Ambasadën e Shteteve të Bashkuara të Amerikës në Shkup ku u takua me Ambasadorin Poll Volers.

Ahmeti dhe Vollers diskutuan rreth zhvillimeve politike në vend dhe në rajon, çështjen e emrit dhe integrimin Euro-atlantik, opozitën si dhe bashkëpunimin vijues të BDI-së me autoritetet amerikane në vigjilje të largimit të ambasadorit aktual dhe ardhjes së Ambasadorit të ri Xhes Bejli.

Bashkëbiseduesit ranë dakord që sfida kryesore e vendit tonë është zgjidhja çështjës së emrit dhe integrimi i Maqedonisë në NATO. Kjo çështje zë vend të rëndësishëm në politikën amerikane për arsye se SHBA është mbështetëse e madhe e integrimit të Maqedonisë në strukturat EuroAtlantike.

Pas përfundimit të zgjedhjeve të parakohëshme në Greqi dhe formimit të qeverisë së re në Athinë, të gjitha palët, Maqedonia, Greqia dhe komuniteti ndërkombëtar, duhet që të fokusojnë të gjitha forcat drejt tejkalimit të kontestit që po mban Maqedoninë larg nga Brukseli.

Për këtë, nevojitet atmosferë konstruktive dhe e qëndrueshme edhe në Shkup, por edhe në Athinë.

Ahmeti siguroi Ambasadorin Volers se BDI do të vijojë bashkëpunimin me Washingtonin zyrtar drejt realizimit të synimit tonë të përbashkët, por edhe njëkohësisht ftoi Shtetet e Bashkuara të Amerikës që të intensifikojnë përpjekjet këtë pranverë sepse janë mik i vërtet i vendit dhe rajonit dhe se pa ndërhyjrne e Washingtonit, vështirë zgjidhet kjo çështje.

Kreu i BDI-së ftoi përsëri opozitën që të rikthehet në kuvend dhe të kontribuojë në këto kohëra sfiduese për të ardhmën e vendit.

Ali Ahmeti gjithashtu foli edhe për reformën në arsim duke e cilësuar si progresive dhe më se të nevojshme në mënyrë që të rritet cilësia në arsim, në veçanti në pregaditjen e mësuesve të ardhshëm. /albeu.com/
Shtuar më 06/01/2015, ora 16:43
Shkruani komentin tuaj!
Të fundit nga kjo kategori