Sela: Veprimi i Memedit rregullon padrejtësinë që i është bërë ASH-së
Kreu i Aleancës për Shqiptarët, Zijadin Sela sot nuk deshi të komentoj vendimin për dorëzimit e mandatit të deputetit nga Vesel Memedi.

Ai tha me këtë veprim po rregullohet një padrejtësi që i është bërë koalicionit të tij, pasi Memedi u zgjodh deputet nga po ky koalicion në zgjedhjet parlamentare të vitit 2016, dhe se ai ja ktheu shpinën këtij koalicioni.

Ai tha se kalimi i mandatit të deputetit tek Arta Toçi do të përforcon pozicionin politik të Aleancën për Shqiptarët dhe do të ngris zërin e opozitës shqiptare.

I pyetur nëse ka biseduar me zonjën Toçi nëse do ta pranon mandatin e deputetit, Sela tha se për këtë ka biseduar kur është bërë lista për deputet dhe se nuk ka nevojë të diskutohet.

I pyetur se pse opozita shqiptare gjatë ditës së djeshme ishte pasive gjatë debatit për rikonstruimin e Qeverisë në Kuvend, Sela tha se gjatë ditës së sotme është i katërti në listë dhe se do të shpreh qëndrimet e opozitës shqiptare.
Shtuar më 27/06/2019, ora 12:23
Shkruani komentin tuaj!
Të fundit nga kjo kategori