Saraçini: Maqedonia e Kosova të thellojnë bashkëpunimin
Përpjekjet nga njera anë të Kosovës dhe nga ana tjetër të Maqedonisë rezultuan të suksesshme në zhbllokimin e kufirit në Bllacë.

Ministri i Ekonomisë Valon Saraçini mbrëmë ka qenë i pranishëm në Bllacë dhe shoqërohej nga zv/kryeministri Vladimir Peshevski.

Saraçini ka deklaruar se raportet mes dy vendeve kanë qenë të mira si ato ekonomike dhe politike, por duhet të punohet që në të ardhmen të avancojë më tepër bashkëpunimi.

“Për kënaqësinë time të madhe, edhe zyrtarisht mund të them se keqkuptimet në mes të Kosovës dhe Maqedonisë janë tejkaluar. Kjo do të thotë se nga tani qarkullimi i mallrave, shërbimeve dhe të lëvizja e qytetarëve të të dyja vendeve do të zhvillohen normalisht. Siç thashë edhe në fillim, prioriteti im i lartë është gjetja e një zgjidhjeje për të kapërcyer situatën dhe kjo është arritur si rezultat i përpjekjeve të të dy qeverive”, ka deklaruar ministri.

Gjatë vizitës së mbrëmshme, Saraçini është takuar edhe me homologen e tij nga Kosova, Mimoza Kusari - Lila, ku është shprehur edhe kënaqësia për marrëveshjen e arritur. /albeu.com/
Shtuar më 15/09/2013, ora 16:22

Shkruani komentin tuaj!
Të fundit nga kjo kategori