Rrugë me emrin e Nënë Terezës dhe banknotë me fytyrën e saj
Pëlqej
Rruga e mirënjohur “Korridori 8” do të pagëzohet me emrin e nobelistes shqiptare Nëna Terezë, e një bankënotë e re do të mbajë figurën e saj. Vendimet pritet të miratohen nga Qeveria e Maqedonisë, siç është shprehur kryeministri Nikolla Gruevski në një intervistë për gazetën indiane “Times of India”.

Gruevski ka theksuar se kjo ide e tij së shpejti do të marrë dritën jeshile në mbledhjet e radhës. Një nga rrugët më të rëndësishme në rajon, me gjatësi prej 300 km do të emërtohet "Nëna Terezë", ajo që lidh Shkupin me Bullgarinë dhe Shqipërinë, një pjesë e së cilës do të duhet të përfundojë në vitin 2017. Emrin e Nënës Terezë tashmë e mbajnë Qendra Klinike në Shkup, Spitali i Gjinekologjisë, Shtëpia Përkujtimore në pjesën qendrore të kryeqytetit.

“Nëna Terezë është simbol i ri i Maqedonisë. Pasardhësit e saj vijnë këtu, çdokush e njeh, përfshirë edhe vendet e Lindjes së Mesme”,-ka theksuar Gruevski, siç shkruan "INA". Projekte për Nënë Terezën ka paralajmëruar dhe biznesmeni indian Subrajta Roj, i cili ka promovuar tashmë ngritjen e një përmendoreje gjigande e lartë 18 metra në sheshin e Shkupit. Po ashtu, është paralajmëruar edhe një qendër për përkujdesje të të moshuarëve në periferi të kryeqytetit. /albeu/
Shtuar më 04/10/2013, ora 11:48
Shkruani komentin tuaj!
Të fundit nga kjo kategori