Plagoset me thikë 24-vjeçari në Paskuqan, autori në arrati

Një person ka mbetur i plagosur me thikë në kryeqytet.

Policia bën me dije se ngjarja ka ndodhur në rrugën “Dine Hoxha” në Paskuqan.

Shtetasi D. H., gjatë një konflikti dyshohet se ka goditur me mjet prerës shtetasin A. T., 24 vjeç, dhe është larguar nga vendi i ngjarjes.

Si pasojë 24-vjeçari është dëmtuar dhe ndodhet në spital, nën kujdesin e mjekëve.

Grupi hetimor po punon për kapjen e autorit të dyshuar dhe sqarimin e rrethanave të ngjarjes./Albeu.com.


Shtuar 3.06.2023 20:31