Federata e Futbollit të Australisë (FFA) njoftoi sot se ka shtyrë raundet e fundit të sezonit Hyundai A-League 2019/20. Kjo shtyrje është efektive menjëherë.
Vendimi është i fundit në një seri masash të paraqitura nga FFA në përgjigje të përhapjes së vazhdueshme të COVID-19 dhe vjen me mbështetjen unanime të të gjitha klubeve Hyundai A-League.
FFA do të rishikojë situatën gjatë javëve të ardhshme me një vlerësim të mëtutjeshëm zyrtar të statusit të planifikuar tani për 22 prill.
Qëllimi në këtë fazë është të riorganizohen ndeshjet sa më shpejt që të jetë e arsyeshme të bëhet një gjë e tillë për të përfunduar sezonin. Klubet dhe lojtarët i kanë treguar FFA-së se do të jenë të gatshëm të vazhdojnë nëse kampionati të jetë në gjendje të rifillojë.
Vendimi pasqyron masat e rrepta të distancimit shoqëror që janë prezantuar tani nga Qeveria dhe futja e kufizimeve të kufijve shtetëror brenda Australisë dhe zbatimi i niveleve më të larta të kufizimeve kufitare për Zelandën e Re. Efekti akumulues duke e bërë të pamundur vazhdimin e kampionatit në kohën e tanishme.
