Rilindja Demokratike Kombëtare, emri i partisë së Rufi Osmanit
Pëlqej
Rufi Osmani
Ndërsa vazhdojnë përgatitjet e Kryetarit të Komunës së Gostivarit, Rufi Osmani, për zyrtarizimin e subjektit të ri politik shqiptar në Maqedoni, jozyrtarisht mësojmë se emri i partisë së re do të jetë Rilindja Demokratike Kombëtare (RDK).

Në një intervistë për televizionin Alsat-M, të realizuar ditë më parë, Osmani ka thënë se pret që në zgjedhjet e ardhshme parlamentare të fitojë mbi 20 deputetë.

“Unë nga natyra jam njeri që e pranoj riskun, në përgjithësi këtë e kam dëshmuar me karrierën time 20 vjeçare, me këtë rast edhe në këtë rast do të rrezikoj, unë do të dal vetë me partinë time në zgjedhje, unë dëshiroj të di se cili është kandari politik i Rufi Osmanit dhe i partisë që unë dhe përkrahësit e mi do ta bëjmë në raport me të tjerët, sepse problemi bazë është kush sa ka peshë dhe autoritet politik. Sot të gjithë të tjerët do të thonë, ti tash bën parti të re, mund të të ofrojnë një ose dy mandate deputeti, ndërsa unë pretendoj t’i marr më shumë se 20 mandate”, ka thënë Osmani. /albeu.com/
Shtuar më 06/03/2011, ora 21:06
Shkruani komentin tuaj!
Të fundit nga kjo kategori