Resul Kaba zgjidhet kryetar i ri i këshillit komunal në Strugë
Resul Kaba është kryetar i Këshillit komunal të Strugës.

Në seancën e djeshme në Strugë është konstatuar Këshilli i Strugës me gjithsej 27 këshilltarë të cilët do të jenë në shërbim të komunës gjatë katër viteve të ardhshme. Ata morën çertifikatat nga Komisioni Shtetëror Zgjedhor.

Kryetari i ri i Këshillit, në deklaratën e tij të parë tha se do të punojë dhe do të kontribuojë për zhvillim, të ardhme të ndritur dhe prosperitet të komunës, njofton Zhurnal.

Kaba ua uroi mandatin të githë 27 këshilltarëve dhe veçanërisht potencoi se do të punojë sipas rregullave dhe me gjithë kapacitetin e tij për një jetë më të mirë për qytetarët e Strugës, pa dallim të përkatësisë etnike, fetare, politike apo çfarëdo qoftë.

Kryetari i Strugës, Ramiz Merko dërgoi urata deri tek këshilltarët e sapozgjedhur ndërsa për Kabën tha se është zgjedhur njeriu i duhur për kryetar këshilli. Këshilltarët strugan thanë se në periudhën e ardhshme katër vjeçare, duhet të sjellin vendime për mirëqenie dhe progres të komunës. /albeu.com/
Shtuar më 16/11/2017, ora 10:46
Shkruani komentin tuaj!
Të fundit nga kjo kategori