Zëvendës ndihmës sekretari amerikan i shtetit për Europën dhe Euroazinë, Philip Reeker do të vijojë edhe ditën e sotme me axhendën e tij ku janë programuar takime me krerët më të lartë të qeverisë dhe politikës maqedonase.

Reeker sot paradite pritet të takohet me ministrin e jashtëm Nikolla Popovski. Gjatë ditës, zyrtari i lartë amerikan pritet të zhvillojë takime edhe me zyrtarë të lartë qeveritar dhe politikanë të shumtë.

Philip Reeker dje ka qëndruar në Ohër në hapjen e Shkollës për lider të rinj të organizuar nga presidenti Gjorgje Ivanov. Pas një takimi midis Reeker dhe Ivanov janë shprehur qëndrimet se Maqedonia nuk ka alternativë tjetër pos anëtarësimit dhe integrimit në NATO dhe BE.

Zëvëndës ndihmës sekretari amerikan i shtetit, i njohur si ish-ambasadori i fundit amerikan në Shkup, është prej ditës së dielë në Maqedoni dhe do të qëndrojë deri më 25 gusht. /albeu.com/