Policia ka vënë nën hetim teknikun e ashensorit Ermal Braja dhe administratorin e firmës së ashensorëve Ardian Sulollari, pas aksidentit që ndodhi sot në SQUT, ku mbetën të dëmtuar rëndë pacientja dhe barrelisti.
Nga fotot që janë bërë publike, duket barrela pacientes është zënë nga ashensori duke e dëmtuar rëndë atë, ndërkohë që në pllaka është parë sasi e madhe gjaku. Krahas 80-vjeçares, i dëmtuar mbeti edhe barrelisti i QSUT-së, i cili ka pësuar dëmtime në të dyja këmbët e tij.
Njoftimi i policisë:
Tiranë
Specialistët për Hetimin e Krimeve në Komisariatin e Policisë Nr. 4 proceduan penalisht në gjendje të lirë, për veprën penale “Shkelja e rregullave të mbrojtjes në punë”, shtetasit:
– E. B., 45 vjeç, banues në Tiranë, me detyrë teknik ashensori;
– A. S., 52 vjeç, banues në Tiranë, me detyrë administrator i firmës së ashensorëve.
Procedimi penal ndaj këtyre shtetasve filloi pasi më datë 15.05.2022, rreth orës 23:30, në spitalin “Nënë Tereza”, në katin -1, barrelisti, shtetasi K. D., duke transportuar me barrelë shtetasen V. C., paciente në spital, për shkak të një defekti janë bllokuar brenda në ashensor dhe si pasojë janë dëmtuar.
Materialet i kaluan Prokurorisë, për veprime të mëtejshme procedurale.
Vijon..
