Priftërinjtë e duan kishën në Oktis
Gurëthemeli për ndërtimin e kishës do të ndodhë deri më 20 shtator, pasi priftërinjtë e Mitropolisë Dibër-Kërçovës janë të vendosur për kishën në Oktis të Strugës.

Prfiti Zoran Poposki ka dhënë qëndrimet ultimative për ndërtimin e kishës së pagëzuar Shën Dhimitri.

“Ajo që thot ndokush se leja ndërtimore që është me afat deri 30 shtator nuk do të jetë problem, ne nuk besojmë në ate. Oktisit do ti ndodhë populli. Ohri dhe rrethina, Struga dhe rrethina do të ngrihen. Herën e ardhshme kur do të vendosim të vemë gurthemelin unë ju garantoj se atje do të vijnë 10.000 besimtar ortodoks.

Ate që e kemi vënë vetes si obligim dhe unë si klerik i famullisë nuk shmangemi as një minutë dhe se deri në terminin-afatin e fundit do ta vendosim gurthemelin. Është për të ardhë keq që vënia e gurthemelit dhe ndërtimi i këtij tempulli është marrë si shkas për grindje e përçarje.

Unë disa herë banorëve u kam thënë se ne nuk bëjmë kanalizim, gropë septike (gropë të zezë), por bëjmë diçka që do ta zbukurojë mjedisin ” ka thënë prifti Zoran Poposki, duke shtuar se vet fshati Oktis ka emrin që sipas tij ka domenthënien e tetë kishave njofton INA.

Ai ka theksuar se problemet dhe tensionet e krijuara për kundërshtimin e ndërtimit të kishës vijnë nga faktorë të jashtëm dhe jo nga Bashkësia Fetare Islame në Maqedoni. /albeu.com/
Shtuar më 02/09/2013, ora 17:31

Shkruani komentin tuaj!
Të fundit nga kjo kategori