Posta vijon punën edhe pas zjarrit
Drejtoria e Postave të Maqedonisë do të funksionojë në objektin e Postës 2, e vendosur te Stacioni i ri hekurudhor. Bordi drejtues i Postave të Maqedonisë mbrëmë në seancë të jashtëzakonshme vendosi vendin se ku do të vijojë të funskionojë posta deri sa të rikthehet në normalitet godina e djegur.

Sipas drejtorit të Postave të Maqedonisë, Rafiz Aliti posta do të punojë normalisht.

Komandanti i Njësisë territorial zjarrfikëse Bllagoja Menkovski informoi se është djegur një pjesë e fajesë dhe disa kate të objektit.

Në shuarjen e zjarrit që shpërtheu dje pasdite rreth orës 16 e 30 minuta merrnin pjesë 40 zjarrfikës e 20 automjete zjarrfikëse.

Një person është dërguar në Klinikën për sëmundje kirurgjikale "Shën Naumi i Ohrit" në Shkup, për shkak të ngufatjes.

Drejtoresha e Klinikës, Jasmina Çabukovska për MIA-n deklaroi se bëhet fjalë për një burrë rreth 35 vjeçar, i cili është ankuar në vështirësi gjatë frymëmarrjes. Ai është në gjendje shëndetësore stabile dhe se momentalisht është në observim.

Supozohet se zjarri ka shpërthyer në sallat e serverëve në Postat e Maqedonisë.

Drejtori i Postave të Maqedonisë, Rafiz Aliti tha se në momentin e shpërthimit të zjarrit ka qenë në kabinetin e tij, kur të punësuarit e kanë informuar se ka zjarr, me ç'rast menjëherë të punësuarit janë evakuuar. Një e punësuar e cila është bllokuar në ambientet, është nxjerrë nga dritarja e katit të tretë me ndihmën e shkallëve, informon Kurir.

Dëshmitarët okularë pohojnë se para shpërthimit të zjarrit kanë dëgjuar një shpërthim të fuqishëm.

Në vendngjarje dje kanë qenë edhe ministri i Transportit dhe Lidhjeve, Mile Janakieski dhe kryetari i Qytetit të Shkupit, Koce Trajanovski.

Ky është zjarri i dytë i madh në qendër të Shkupit në disa ditët e fundit. Javën e kaluar është djegur një pjesë e katit të parë të Qendrës tregtare të qytetit. /albeu.com/
Shtuar më 16/01/2013, ora 09:43
Shkruani komentin tuaj!
Të fundit nga kjo kategori