Porti i Durrësit si alternativë për biznesmenët e Maqedonisë
Biznesmenët maqedonas janë njoghur sot me mundësitë që u ofron porti i Durrësit, i cili krahas portitSelanikut mund të shfrytëzohet për transport të mallrave.

Prezantimi është bërë nga Oda Ekonomike e Maqedonisë me qëllim që biznesmenëve t’u ofrohen edhe alternativa tjera për transport të mallrave, krahas PortitSelanikut, në të cilën paradokohe ka pasur grevë, ndërsa kompanitë e Maqedonisë për shkak të kësaj kanë pësuar humbje.

"Qëllimi është në kushte kur kemi pasur bllokadë të vazhdueshme, greva dhe mosfunksionim të portitSelanikut të hapen edhe mundësi tjera për kompanitë dhe t’u ofrohen kushtet më të reja që i ofrojnë portet tjera", tha Biljana Peeva – Gjuriç nga Oda Ekonomike e Maqedonisë, dke shtuar se Durrësi është porti i dytë më i afërt për nevojat e ekonomisë së Maqedonisë.

Drejtori i portit të Durrësit, Gazmend Shalsi, i cili ka marrë pjesë në prezantimin në Shkup, tha se qëllimi i tyre është që ta kthejnë këtë port, një nga kryesorët në rajon. "Porti i Durrësit gjeografikisht dhe ekonomikisht është mjaft i zhvilluar dhe ka pozicion të mirë, kështu që hap mundësi që t’i bëjë konkurrencë portitSelanikut. Kemi tre projekte të rëndësishme, respektivisht thellim të basenit së portit, ndërlidhje të portit me hekurudhën dhe hapje të ashtuquajturit port i thatë", theksoi Shalsi.

Porti i Durrësit është është një nga portet më të vjetra në rajon dhe më i madhi në Shqipëri. Ndodhet në pjesën e poshtme të bregut të Detit Adriatik. Distanca nga kryeqyteti i Shqipërisë është 35 km, ndërsa nga aeroporti “Nëna Terezë” është 25 km. Kapitenia portuale e Durrësit ka katër terminale – terminal për tragete, terminal lindor, terminal për kontejnerë dhe terminal perëndimor. Porti punon 24 orë gjithë vitin. /albeu.com/
Shtuar më 01/07/2016, ora 15:37
Shkruani komentin tuaj!
Të fundit nga kjo kategori