Tahiri në burg, Soreca: Presim më shumë, por sinjalet janë të mira

Ambasadori i Bashkimit Europian në Shqipëri, Luixhi Soreca, ka komentuar arrestimin e ish-ministrit të brendshëm, Saimir Tahiri.

Soreca tha nga Korça se ka sinjale pozitive nga drejtësia, por sipas tij, pritshmëritë janë shumë më të larta.

Ai gjithashtu e ka cilësuar si shumë të rëndësishme zgjatjen e afateve të vettingut, ndrëkohë që PD duket se është kundër.

“Ju e dini qëndrimin tonë  ka qenë i  qartë. Ne kemi thënë që zbatimi i reformës në drejtësi është tejet i rëndësishëm për vendin. Kjo u konfirmua edhe nga Komisioni i Venecias në dhjetor. Ku nuk u identifikua ndonjë problem për zgjatjen e afatit të vettingut. Është e rëndësishme që të sigurohen të njëjta standarde për procesin e vettingut të gjyqtarëve. Votimi për zgjatjen e afatit të vettingut është një votë për të ardhmen e Shqipërisë në BE”, tha Soreca.

Ambasadori është pyetur nga gazetarët për burgosjen e ish-ministrit të Brendshëm, Saimir Tahiri. Diplomati e ka quajtur si sinjal të mirë se sistemi i drejtësisë po nis të funksionojë. Megjithatë theksoi se kjo nuk mjafton dhe presin më shumë.

“Ju e dini që nuk e kam zakon të bëj koment për proceduar apo çështje specifike. Po të shihen disa nga vendimet e fundit të gjykatave shihet një pavarësi më e madhe dhe më e fortë. Ky është lajm i mirë për konsodlidimi9n e sistemit të drejtësisë. Ne shikojmë sinjale të mira nga puna e gjyqtarëve dhe gjyqtarëve. A mjafton kjo? Jo. Ne presim më shumë nga të gjithë”, tha ai./albeu.com/


Shtuar 7.02.2022 11:12