Përfundon diskutimi për amendamentet e propozim-buxhetit për vitin 2018
Pëlqej
Komisioni për financim dhe buxhet sot, dy ditë para afatit përfundimtar e përfundoi diskutimin e amendamenteve në lidhje me Propozim buxhetin për vitin 2018.

Nga gjithsej 279 amendamente të dorëzuara nga opozita, u miratuan gjashtë prej tyre, nga të cilat katër ishin të dorëzuara nga grupet parlamentare të VMRO-DPMNE-së të cilët nuk ishin të pranishëm në seancën e sotme.

Nga katër amendamentet e VMRO-DPMNE-së dy janë plotësisht të pranuara, ndërsa dy të tjerat janë ndryshuar në pjesën e financimit.

Komisioni pranoi amendamentet për subvencione të furrave me peleta, për TIRZ në Kumanovë, për ndërtim të sistemit kolektor në Negotinë, për zgjidhje të problemit me deponinë e Strugës dhe për ndërtim të parkut për fëmijë në Nerez të Shkupit.

Pas përfundimit të diskutimit për amendamentet në Komisionin për financim dhe buxhet, Propozim buxheti përsëri kthehet për shqyrtim në Qeveri dhe më pas vendoset në seancë plenare në Kuvend.
Shtuar më 07/12/2017, ora 23:13

Shkruani komentin tuaj!
Të fundit nga kjo kategori