PDSH nga shtatori në ofensivë
Partia Demokratike Shqiptare
Burime pranë grupit parlamentar të Partisë Demokratike Shqiptare (PDSH) thonë se nga shtatori priten aktivitete dinamike që do të jenë evidente në institucionin e Parlamentit, por edhe nëpërmjet formave të tjera të ngritjes së zërit kundër qeverisjes aktuale.

“Do t’ia tregojmë vendin këtij pushteti dhe do t’ia sqarojmë votuesit shqiptar që më në fund të distancohen nga kjo politikë e së keqes për shqiptarët në Maqedoni. Ne jemi alternativa e vetme shqiptare, andaj do të ngremë zërin përmes formave të ndryshme politike”, ka thënë për “INA” një zyrtar i lartë i kësaj partie.

PDSH është aktive në Parlament me tetë deputetët e saj përballë mazhorancës BDI dhe VMRO-DPMNE. Nga kjo parti theksojnë se kuadrot e saj në institucionin legjislativ po dëshmojnë se dinë të mbrojnë interesat shqiptare. /albeu.com/
Shtuar më 20/08/2011, ora 15:45

Shkruani komentin tuaj!
Të fundit nga kjo kategori