PDSH: BDI po vjedh buxhetin per zonat shqiptare
Pëlqej
Partia Demokratike Shqiptare ka reaguar sot, duke thënë se BDI-ja me votimin që i bëri ribalancit të buxhetit shtetëror, ka votuar kundër investimeve në zonat shqiptare.

“Sot koalicioni qeveritar VMRO-BDI miraton edhe një rebalanc të buxhetit me çka edhe një herë legalizojnë vjedhjen e hises shqiptare në buxhetin e shtetit. Neve si grup parlamentar i PDSH-së e vetmja opozitë shqiptare me një skenar paraprakisht të përgatitur nga Ali Ahmeti e BDI, nga pozicioni i partisë në pushtet na u pamundësua që në parlament dhe para opinionit të paraqesim problemet elementare infrastrukturore dhe problemet tjera shoqërore në vendbanimet ku jetojnë shqiptarët”, tha Bekim Fazliu në konferencë për shtyp.

Bekim Fazliu ka shprehur më tej shqetësimin, duke thënë se paratë e taksapaguesve shqiptarë po shkojnë për ndërtimin e projekteve kryekëput maqedonase, si "Shkupi 2014". /albeu.com/
Shtuar më 04/09/2014, ora 14:45
Shkruani komentin tuaj!
Të fundit nga kjo kategori