Park në Qendrën Tregtare të Shkupit
Një pjesë e pullazit të Qendrës së vjetër TregtareShkupit do të bëhet park. Sipërfaqja prej 1,800 m2 do të gjelbërohet me hortikulturë të ndryshme, projekt i cili do të nis gjatë pranverës. Nga drejtoria e kësaj Qendre tregtare thonë se për herë të parë pas 45 vjetësh u bë investimi i tillë këtu, shkruan Albeu.com

Ky është një projekti i madh për Shkupin dhe Maqedoninë. Do të jetë një atraksion i mirë, para së gjithash do ta mbrojmë këtë terasë, e cila ishte pikë e dobët e qendrës. Besoj se në të ardhmen, ky pullaz do të jetë një nga atraksionet më të bukura që do ta shfrytëzojnë qytetarët tanë”- tha Gjoko Trajçevski, drejtor në “Q.T.SH.

Meqë do të përdoret një teknologjie e re ekologjike, zbatimi i projekti do të mbikëqyrët nga UNDP.

Sipas tyre, gjatë verës, pullazi i QTSH-së është 10*C më i nxehtë se temperatura në kryeqytet. I pari i Shkupit, tha se kanë ndarë 32 milion denarë, ku përveç ekologjisë do të përdoret edhe si pikë rekreacioni.

Për mirëmbajtën në vazhdim do të kujdeset drejtoria e qendrës tregtare, por pres që edhe pronarët e kafeterisë që do ta marrin me qira, por edhe qytetarët do të kujdesen për mos ta shkatërruar të njëjtën”- theksoi Petre Shilegov, kryetar i Qytetit të Shkupit.

Kryetari i Komunës Qendër, Sasha Bogdanoviç tha se si ky projekt do të bëhen edhe pullaze të tjera të objekteve publike, duke shtuar se Qendrës tregtare do t’i ruhet imazhi i vjetër arkitekturorë, ashtu siç u ruajt edhe me bllokimin e projektit “Shkupi 2014” sipas së cilës parashikohej fasada barok. /albeu.com/
Shtuar më 19/02/2019, ora 17:14
Shkruani komentin tuaj!
Të fundit nga kjo kategori