Zëdhënësi i BDI-së Bujar Osmani ka vizituar familjen e Haki Azirit. Familja Aziri tha se ka qenë një takim shumë i frytshëm ku kanë pastruar çështjen e deklaratës së Osmanit, “por edhe kanë kërkuar ndihmë juridike nga partia shqiptare në pushtet”, raporon Zhurnal.

“Së pari Bujar Osmani erdhi në familjen tonë për të na ngushëlluar për rastin që na ka ndodhur, dhe më pas hapëm edhe tema të ndryshme të cilat kishin të bëjnë me rastin në fjalë. Pastruam edhe çështjen e deklaratës së tij, dhe tani nuk kemi asnjë keqkuptim. Ai pohoj se atë që e ka deklaruar ka qenë nga burimet zyrtare të cilën e ka siguruar ai. Më pas në edhe para mediave kemi pohuar se kërkojmë ndihmë juridike nga subjektet politike, Shoqëria civile por edhe nga gjitha institucionet dhe organizatat qeveritare, dhe jo qeveritare. Këtë e kemi kërkuar edhe nga zëdhënësi Osmani dhe partia e tij, me qëllim që të mos ketë raste të montuara për familjen tonë dhe për asnjë shqiptar tjetër. Osmani, premtoj se partia e tij nuk do të lejon montim të rastit dhe do të jetë një gjykim transparent”, tha Bedri Haziri, mixha i Haki Azirit. /albeu.com/