Osmani ofron modelin e bashkëpunimit LSI-PS
Pëlqej
Rilindja Demokratike Kombëtare, e cila drejtohet nga Rufi Osmani ka mirëpritur nismën e bashkëpunimit të nxitur nga kreu i PDSH-së, Menduh Thaçi. RDK thotë se modeli i bashkëpunimit LSI-PS është alternativa e mirëfilltë për bashkëpunimin opozitar shqiptar në Maqedoni.

“Bashkëpunimi i subjekteve politike në sistemet demokratike bazuar në peshën elektorale është një praktikë e mirënjohur në vend dhe në botën demokratike. Koalicionet parazgjedhore dhe paszgjedhore tashmë janë bërë praktika të rregullta politike në realizimit e objektivave politikë”,-thonë zyrtarët e partisë në fjalë, shkruan agjencia "INA".

Sipas këtij subjekti politik, ky bashkëpunim është i domosdoshëm tashmë kur subjektet politike të bashkësive etnike pakicë bëhen faktor vendimtar në përcaktimin e fituesit në rrethin e dytë zgjedhor edhe në komunat, ku shqiptarët janë shumicë. “Bashkëpunimi i opozitës shqiptare e fuqizon politikisht dhe rrit mandatet e saj politike",-thekson RDK dhe modelin e bashkëpunimit LSI-PS, e sheh si modelin më korrekt dhe real për bashkëpunimin opozitar shqiptar në Maqedoni./albeu.com/
Shtuar më 04/10/2013, ora 11:41
Shkruani komentin tuaj!
Të fundit nga kjo kategori