Osmani: Nuk na pengon takimi i Gruevskit me Zaevin
Pëlqej
Zëdhënësi i Bashkimit Demokratik për Integrim, Bujar Osmani, gjatë një interviste për të përjavshmen "Fokus", ka thënë se kryetarët e LSDM-së dhe VMRO-DPMNE-së mund të takohen, por kjo nuk e pengon partinë që ai përfaqëson.

"Sipas informacioneve tona, kryetarët e VMRO-së dhe LSDM-së janë duke u takuar prej disa ditësh dhe ne e mbështesim dhe e përkrahim një gjë të tillë.

BDI-ja e di rrugën dhe ajo është për qeverinë e ardhshme. Shpresojmë që të gjendet një rrugë e përbashët për të ardhmen e vendit", ka thënë Osmani.

Kujtojmë se nga VMRO-ja kanë refuzuar komentimin për takimin me kreun e LSDM-së, ndësa nga kjo parti, Sheqerinska deklaroi mbrëmë se nuk e sheh si nevojë qe kreu i partisë së saj të takohet me kreun e VMRO-së.

Shtuar më 21/04/2017, ora 09:34
Shkruani komentin tuaj!
Të fundit nga kjo kategori