Orav: Vendimi i presidentit rrezikon ardhmërinë euro-atlantike të vendit
Ambasadori i BE-së në Shkup, Aivo Orav
Ambasadori i BE-së në Maqedoni Aivo Orav, pas takimit me presidentin Gjorge Ivanon ka një porosi të prerë, ku thotë se vendimi për falje zhvlerëson përgjegjësinë dhe sundimin e së drejtës si dhe rrezikon integrimin euroatlantik të vendit.

Burime diplomatike bëjnë me dije se temë kyçe ka qenë pasojat që mund ti ketë vendimi i presidentit për falje dhe rishqyrtimi i mundësisë për tërheqje të njëjtit pasi si i tillë rrezikon tërë marrëveshjen politike dhe thellon krizën politike. Nga kabineti i Ivanovit, njoftuan vetëm se presidenti ka shpalosur para ambasadorëve motivet e vendimit për falje.

Takimi me ambasadorët besohet se ka qenë parapërgatitje për takimin e së premtes në Vjenë ku janë ftuar liderët e katër partive politike. Ndërkohë nga Komisioni Evropian thonë se ende nuk janë caktuar të gjitha detajet për takimin e Vjenës, ata thonë se qëllimi i takimit mbetet gjetja e mënyrës për zgjidhjen e krizës politike./Albeu.com/
Shtuar më 20/04/2016, ora 15:45

Shkruani komentin tuaj!
Të fundit nga kjo kategori