Nis furtuna, Zaev shkarkon dy ministra
Kryeministri i vendit Zoran Zaev ka nisur rikonstruktimin e qeverisë, ai nga Kuvendi ka kërkuar shkarkimin e dy ministrave. Ministrat që pritet të shkarkohen janë: Aksel Ahmedovskit nga posti i ministrit pa portofol i angazhuar për implementimin e strategjisë për përmirësimin e gjendjes së romëve si dhe ministrin Adnan Qahil ministër për investime të huaja.

Në vend të Ahmedovskit, Zaevi ka propozuar kandidatin Muzafer Bajram, ndërsa në vend të Adnan Qahilit është propozuar Elvin Hasan.

Rikonstruktimi më i gjerë i Qeverisë pritet pas ndryshimeve kushtetuese, mëson Alsat M. Gjatë muajve të fundit në opinion janë lakuar disa nga emrat që janë më afër largimit. Siç është përfolur disa herë joyzrtarisht, BDI-ja kërkon alternativa për zëvendësimin e kryeministrit për zbatimin e Marrëveshjes së Ohrit, Hazbi Lika.

Kurse LSDM-ja është shprehur e pakënaqur me ngecjen dhe shfuqizimin e reformave në arsim.
Shtuar më 25/12/2018, ora 20:40
Shkruani komentin tuaj!
Të fundit nga kjo kategori