Matthew Nimitz, i dërguari personal i Sekretarit të Përgjithshëm të Kombeve të Bashkuara në bisedimet mes Greqisë e FYROM, do të vizitojë rajonin në harkun kohor 8 deri më 11 janar, sipas njoftimit të OKB.

Vizita bëhet në vazhdim të bisedimeve që Nimitz pati në nëntor në New York me përfaqësuesit e të dy vendeve. Ambasadori Nimitz do të takohet në Athinë e Shkup me qeveritarë të lartë të të dy vendeve, me objektiv përshpejtimin e procesit për gjetjen e një zgjidhjeje reciprokisht të pranueshme në çështjen "e emrit".

Më 20 nëntor Nimitz kishte paraqitur një sërë propozimesh e mendimesh për gjetjen e një zgjidhjeje në çështjen e emrit, gjatë takimit të përbashkët me negociatorët e Greqisë Adamantios Vasilakis dhe të FYROM, Zoran Jolevski, në selinë e Kombeve të Bashkuara, duke pasuar takime të veçanta. /albeu.com/