Neziri: Dy partitë më të vjetra shqiptare mund të ballafaqohen me një sfidë serioze më 11 dhjetor
Analisti Xhelal Neziri në një prononcim për "balkaninsight" ka thënë se dy partitë më të vjetra shqiptare mund të ballafaqohen me një sfidë serioze në zgjedhjet parlamentare më 11 dhjetor.

“Partitë e sapoformuara jashtëparlamentare shqiptare, të ndara në dy blloqe, kanë fituar shumë mbështetje sepse ajo që ata ofrojnë është ndryshe nga ajo që BDI dhe PDSH kanë ofruar vite me radhë,” tha analisti politik Xhelal Neziri për BIRN.

Neziri tha se edhe pse sondazhet në Maqedoni nuk janë gjithnjë relevante dhe jo gjithmonë parashikojnë rezultatet e zgjedhjeve pasi ata shpesh përdoren për qëllime propagandistike, befasi mund të ketë në këto zgjedhje.

“Shqiptarët kishin një pjesëmarrje të ulët në zgjedhjet e mëparshme për shkak të pakënaqësisë së tyre me dy partitë – BDI-në dhe PDSH-në,” – tha Neziri.

Partia kryesore e opozitës në Maqedoni, LSDM, gjithashtu sillet seriozisht rrotull votuesve shqiptarë në zgjedhjet e ardhshme, gjë që është një risi. Partitë politike në Maqedonia janë tradicionalisht të ndara ashpër në kampe etnike.

“Ofertat e partive jashtëparlamentare dhe LSDM-së mund të rezultojnë në një pjesëmarrje më të madhe të shqiptarëve në këto zgjedhje dhe të sjellin rezultate të papritura,” vërejti Neziri.

Dy blloqet e reja të koalicionit të partive jashtëparlamentare shqiptare do të garojnë afër me BDI-në dhe PDSH-në në dhjetor.

Njëri koalicion përbën LR-PDSH-në, Unitetin dhe RDK-në e Vesel Memetit. BESA dhe RDK-ja e Fadil Zendelin përbëjnë koalicionin e dytë. /albeu.com/
Shtuar më 03/11/2016, ora 22:15

Shkruani komentin tuaj!
Të fundit nga kjo kategori