Nevzat Bejta si Asadi i Sirisë
Deputetët e Rilindjes Demokratike Kombëtare Naxhi Xhelili, Flamure Demiri Kreci dhe grupi I këshilltarëve të RDK – Gostivar ,sot në Gostivar mbajti konferencë për shtyp në të cilën ishin të pranishëm edhe të larguarit nga puna në mënyrë joligjore.

Qëndrimet mbi largimet revanshiste nga puna i shpalosi deputeti i RDK-së Naxhi Xhelili.

“Fillimi i vitit shkollor në arsimin publik fillor dhe të mesëm është një moment i veçant i mirëpritur nga nxënësit, mësimdhënësit dhe prindërit kudo në botën demokratike dhe të civilizuar. Kjo traditë e kultivuar me dekada edhe në shkollat me mësimë në gjuhën shqipe në Gostivar për fat të keq në fillim të këtij viti shkollor u shoqërua me një precendent të paparë negativ.

Në vend se profesorët dhe nxënësit të vazhdonin me sukses punën e filluar në vitet paraprake akademike ndodhi një ndërhyrje e rëndë kriminale, anti ligjore, anti humane dhe anti pedagogjike e pushtetit komunal jolegjitim në sektorin e arsimit.

Ky pushtet komunal antidemokratik përjashtoi pa asnje argument mbi 90 profesor nga shkollat fillore dhe të mesëm të komunës së Gostivarit që së bashku me 55 profesorlarguar gjatë prillit të vitit 2013 tejkalon numrin prej 140 profesor dhe profesoresha të diferencuar dhe të larguar nga puna për vetëm disa muaj.

E veçanta e kësaj politike monstruoze revanshiste bolshevike-staliniste të “Asadit të Gostivarit” alias Nevzat Bejta është fakti se në procesin e diferencimit dhe largimit nga puna nuk respektohet asnjë kriterium ligjor, etik, social, human dhe të përvojës në punë.

Në kuadër të profesorëve të larguar nga puna ekzistojnë shumë kuadro me rezultate të shkëlqyera pune në arsim dhe të cilët kan përvoj pune mbi 2,3,4, dhe 5 vite, kuadro që kan vendime pune ose që janë në procedure të marjes së vendimit të punës.

Sipas shkollave numri i te larguarve nga punë është si vijon: Shkolla e mesme ekonomike 16 profesor, shkolla e mesme teknike 6 profesor, shkolla e medicinës 5 profesor, shkolla fillore “Përparimi” në Çegran dhe Forinë 18 profesor , shkolla fillore “Ismail Qemali” 8 profesor, shkolla fillore në Çajlë 7 profesor, shkolla fillore “Bashkimi” 5 profesor, shkolla fillore “Goce Dellçev” janë larguar 5 profesor, nga shkollat perferike dhe nga NPK janë larguar 10 profesionista me fakultete.

Njëkohësisht duhtet të rikujtojmë se gjatë muajit gusht 2013 po kjo udhëheqësi komunale largoi nga puna edhe 12 të punësuar në administratën komunale nga të cilët ka edhe profesionasita me përvojë pune mbi 10 dhe 20 vite.

Largimi nga puna i profesorëve, të punësuarve në administratën komunale dhe në NPK është berë me një “mobing Stalinist” të paparë i panjohur në praktikën e sektorit publik në vend.

Në kuadër të kësaj kampanje të paparë për të dëmtuar kundërshtarët politikë në mënyrë antiligjore edhepse kishin kontrata legale deri me 31.12.2013 për transportin publik të nxënësve u është ndërprerë kontrata 70 transporterëve (kombistëve).

Me këtë veprim antiligjor vihet në pikpyetje transporti legal i nxënësve sepse tenderi joligjor I hapur nga udheheqësia aktuale komunale përfundon më 30.09.2013 që së bashku me ankesat e sigurta e ka kuptimin e lënien pa transport të nxënësve për më shumë se dy muaj ose transportimin e tyre në mënyre joligjore.

Vlen të përmendet se pas përfundimit të zgjedhjeve lokale në prill 2013 deri me sot janë larguar nga puna në arsim, administratën e komunës , NPK dhe u janë ndërprerë kontratat afariste në bazë të tenderave legal mbi 500 personave me çka është dhënë një goditje e rëndë sociale buxhetit të tyre familjar në këtë situat të krizës së madhe ekonomike-sociale.

E veçanta e kësaj politike antikombëtare bolshevike-staliniste është se të gjithë personat e dëmtuar janë vetëm të nacionalitetit shqiptarë me çka edhe njëherë argumentohet se kryetari aktual I komunës nuk ka legjitimitetin e votës demkratike të popullit shqiptarë në Gostivar.

Në një situate kur asnjë nga institucionet e përcaktuara me kushtetut dhe ligj nuk vihen në mbrojtje të të drejtave sociale të personave të larguar nga puna duhet të konstatohet me objektivitet se pushtet politikë më hakmarës dhe më antikombëtar nuk ka pasur dhe nuk do të ketë në hapsirat politike shqiptare.

Përkundër faktit që ankesat e drejtorëve të shkollave të shkarkuar në mënyrë jologjore janë miratuar nga organet e shkallës së dytë ky pushtet jolegjiitim komunal nuk i respekton këto vendime të institucioneve më të larta dhe vazhdon të ketë në pozicionet udhëheqëse në arsim drejtor jolegal dhe jolegjitim të cilët me direktivat e “Asadit të Gostivarit” bëjnë spastrime të papara politike dhe etnike në sektorin e arsimit në Gostivar.

Une dhe Flamurja këtë problem do ta shtrojmë si çështje debati edhe për minstrin e arsimit, punës dhe politike sociale dhe instituconeve të tjera që janë të obliguar të mbrojmë të drejtat e punës dhe do të informojmë korin diplomatik në vend.

Në shtojcë të kësaj komunkate do ju prezentojmë edhe listën e të larguarve nga puna sipas institucioneve. Njëkohesisht ju ftoj që të merni pronocime edhe nga profesoret e larguar nga puna, drejtorët e shkarkuar në mënyrë antiligjore dhe nga koordinatori i këshilltarëve të RDK-së në pushtetin komunal”, theksoi deputeti i RDK-së Naxhi Xhelili. /albeu.com/
Shtuar më 05/09/2013, ora 13:44
Shkruani komentin tuaj!
Të fundit nga kjo kategori