Kryetari i komunës së Gostivarit është shprehur përpara nxënësve të këtij qyteti, se arsimi do të jetë prioritet i politikave të tij komunale.

Në këtë takim, Bejta ka qenë së bashku me udhëheqësin e Sektorit të Arsimit, Qeramedin Selimi dhe me drejtorin Xhezi Kamberi.

Nxënësit e gjimnazit para kryetarit Bejta, drejtorit Kamberi, profesorëve dhe kolegëve të tyre prezantuan në lëndë të ndryshme në tre gjuhë, shqip, maqedonisht dhe turqisht.

Bejta, pasi dërgjoi prezantimet e nxënësve tha se në kohën që ka qenë ai mësimdhënës, kishte shumë pak nxënës që të prezantonin përpara mësuesit apo kolegëve të tyre, ndërsa brezi i ri e bën këtë gjë me përkushtim.

Ai tha se do të punojë mjaft që arsimi të jetë prioritet në politikat e komunës, si dhe shprehu besimin se brezi i ri do të sjellë inovacione në lëmin e studimeve. /albeu.com/