Nesër mjekët maqedonas marrin vendimin për grevën
Mjekët amë privat nesër do të vendosin nëse në shenjë revolte do të fillojnë me grevë, gjegjësisht një ditë nuk do të japin receta për pacientët me sëmundje kronike.

Ata thonë se qëllimi i tyre është që të bëjnë presion mbi pushtetin, pasi sipas tyre me vita nuk u janë dëgjuar kërkesat.

Ministri i Shëndetësisë Venko Filipçe, në konferencën e fundit për shtyp tha se do të rishikojë kërkesat e mjekëve amë.

“Kemi një numër të madh të kërkesave edhe nga mjekët amë edhe nga gjinekologët privat dhe për të gjitha kemi përgatitur zgjidhje të duhur, por nuk do t’i zbatojmë derisa të konsultohemi me përfaqësuesit e shoqatave të tyre”, tha Filipçev.

Me grevë më herët janë kërcënuar edhe gjinekologët amë dhe stomatologët specialistë, të cilët nuk janë të kënaqur me gjendjen e tyre. /albeu.com/
Shtuar më 31/03/2018, ora 20:44

Shkruani komentin tuaj!
Të fundit nga kjo kategori