Në Strugë, Ohër dhe Prespë nuk ka siguri për pushuesit
Në kulmin e sezonit turistik thuajse gjysma e plazheve në vend nuk janë të sigurta, gjegjësisht nuk i plotësojnë kushtet themelore të sigurisë për not, spor dhe rekreacion. Në Ohër kjo përqindje arrin në 35, në Strugë dhe Prespë deri më 50 për qind, thotë Sasho Toçko, kryetar i Kryqit të kuq Ohër. Edhe përkrah asaj që janë të lajmëruar, përgjegjësit e plazheve më të vizituara si ‘Nemo’, ‘Mizo dhe të tjera, punojnë dhe tërheqin mysafirë të rinj pa asnjë pengesë, përcjell Telegrafi Maqedoni.

Më së shpeshti, kushti që nuk plotësohet është mospasja e ekipeve të licencuara shpëtimit. Trupi i vetëm me leje ligjore për dhënien e licencave është Kryqi i kuq, që është anëtar i Federatës ndërkombëtare për siguri në ujë.
Shkak i dytë për pasiguri në plazhe është mospasja e shenjëzimeve që tregojnë për shkallën e sigurisë në plazh dhe ato që tregojnë thellësinë e ujit.

Kushtet e ckatuara me ligj duhet të sigurohen nga koncesioneri i plazhit, mirëpo, thonë vizitorët ato ja dalin të shpëtojnë nga kjo situatë çdo vit, edhe pse ministria përkatëse është e informuar për situatën në teren.Nga Kryqi i kuq kërkojnë që së paku të sigurohen shenja për atë se plazhet e caktuara janë të pasigurta dhe se pushuesit bëjnë not në rrezik të tyre.
Shtuar më 26/07/2017, ora 14:21

Shkruani komentin tuaj!
Të fundit nga kjo kategori