Jorge Jesus është shëruar nga koronavirusi.
Trajneri portugez kishte dalë pozitiv në koronavirus në analizat e bëra ditë më parë.
Por, është tani skuadra e Flamengos që me anë të një komunikate, ka bërë të ditur se 65 vjeçari është shëruar nga koronavirusi.
“Flamengo informon publikun se testimi i ri në trajnerin Jorge Jesus ka treguar një rezultat negativ të pranisë së virusit Covid-19. Ne i falënderojmë të gjithë për mbështetjen e trajnerit”, thuhet në komunikatë.
Jesus ka qenë në mesin e pjesëtarëve të botës së futbollit që është prekur nga koronavirusi, por është i pari që tani është shëruar nga ai.
